Америкалык Amazon компаниясы укук коргоо органдарына өзүнүн Recognition программасын бир жылга колдонууга тыюу салды.
Мындай чечим афроамерикалык Жорж Флойддун мыкаачылык менен кармалгандан кийин өлүмүнө байланыштуу массалык нааразылык акцияларынын фонунда кабыл алынды. Бул окуядан кийин укук коргоочулар мындай технологияларда расисттик көз караш болушу мүмкүн деген тынчсыздануусун билдиришти.
"Биз өкмөттөрдү бетти таануу технологиясын этикалык колдонууну жөнгө салуучу катаал эрежелерди кабыл алууну жактап келгенбиз жана акыркы күндөрү (АКШ) Конгресс бул чакырыкты колго алууга даяр окшойт", - деп айтылат билдирүүдө.
Ошол эле учурда Amazon жетекчилиги бул тыюу жоголгон балдарды издеген жана адам сатууга каршы күрөшкөн уюмдарга таасирин тийгизбей турганын баса белгиледи.
Ошондой эле, 9-июнда IBM мындан ары бетти таануу программасын иштеп чыгып, сатпай турганын жарыялады. Бул чечим Флойддун өлүмүнө да байланыштуу.
Ошондой эле окуңуз: